Elisabeth Ruud på Helsebua har teke utdanning
20 BYGDEPULS LØRDAG 18. JANUAR 2014 Brenn for «varme-yoga» Elisabeth Ruud på Helsebua har teke utdanning innan D.Y.P. Yoga – i 40 varmegrader D. Y. P yoga: Elisabeth Ruud har endå ein ting på timeplanen, den relativt nye forma for yoga går føre seg i lokale som held oppimot 40 grader. Trond Rogne Trond@avisa-valdres.no Yoga er eit breitt fagfelt. Det er ikkje berre fysiske, akrobatiske stillingar og stressreduksjon. Det er mykje meir. BEITOSTØLEN: Ruud er mest sannsynleg den einaste i Oppland som har utdanning innan D.Y.P. Yoga, Deep Yoga Practise. – D.Y.P. yoga er ein serie utarbeida av Naema Noor, som baserer seg på presis utføring av posisjonane i eti fast system, utført i eit varmt og fuktig rom. Serien inneheld ståande og sitjande stillingar. Varmen og posisjonane gjer at ein sveittar godt, noko som gjev ein reinsende effekt. Blodsirkulasjonen fungerer også optimalt i varmen, seier Ruud. Tilpassa alle Mot kvardagsutfordringar: Yoga er sunt for både kropp og sjel. Det gjev overskot i kvardagen, meiner Ruud. FOTO: CATHRINE DOKKEN D.Y.P. Yoga er terapeutisk og kan tilpassast ulike behov og utfordringar. – Dette er også ein terapeutisk form for Yoga, der ein nyttar hjelpemidlar som puter, belte, tau og blokker. Slik kan ein utføre posisjonane rett, sjølv om ein slit med skader av ulik karakter. D.Y.P. teknikk gjev på den måten individuell tilpasning uansett føresetnad. Jamleg utøving av D. Y. P, dannar ein stødig plattform for god helse, seier Ruud. Kroppen blir eit verkty Ruud, meiner Yoga kan vera løysinga for folk som opplever ein stressande kvardag. – I vår vestlege livsstil er vi jaga, fordi livet krev mykje av oss. Vi driv oss sjølve til ytterpunktet, og lever på stresshormon som kortisol og adrenalin – vi lever i «kamp eller flukt modus». Kroppen blir ei byrde. Med Yoga blir kroppen eit verkty. Du held han sunn og frisk, så du kan gjere dei tinga du ynskjer. Fysisk Yoga utviklar tre ting parallelt – fleksibilitet, styrke og balanse. FOTO: CATHRINE DOKKEN – Eg tilbyr D. Y. P Yoga onsdagar, torsdagar og annankvar helg, i mine eigne lokale, CORPUS, i kjellaren på Helsebua på Beitostølen. Det er også mogleg å leige meg inn for bedrifter, skuler, lag og liknande. Då kan ein gå inn å jobbe med spesielle problemstillingar, som rygg og nakke. Dette er veldig aktuelt med tanke på at mange har stillesitjande og statiske arbeidsdagar i dag. Brenn for å hjelpe folk Ruud har 26 år med treningserfaring og drive på Beitostølen i 11 år. Ho har ein allsidig bakgrunn frå blant anna klassisk ballett, jazzballett, VM tittel i latin selskapsdans og svart belte i karate. – Eg brenn for å dele erfaringane mine gjennom D. Y. P Yoga for å gje menneske overskot i ei tid der stress, utbrentheit og lågt immunforsvar er stadig meir framståande. Unngå leddgikt I tillegg til treninga, har yoga ei rekke gode biverknader. – Yoga er også eit utgangspunkt for alle idrettar. Fysisk Yoga utviklar og styrkar skjelettet, som er viktig for å unngå leddgikt eller skjør beinstruktur. Kroppen er også bunde saman med sinnet. Har du sunne organ og eit sunt nervesystem, vil også sinnet vera sunt. Fleire gonger i veka Ruud held timar annankvar helg og to faste vekedagar. FAKTA Helsebua ■ Elisabeth Ruud tilbyr no ei ny form for yoga som går føre seg i høg temperatur ■ Ruud har drive med treningstilbod på Beitostølen i 11 år ■ Ho har brei erfaring innan ei rekke fagfelt ■ Helsebua ligg på Beitostølen ved Beitostølen Leiligheitshotell
© Copyright 2024