nn Nyhende nn SOGN AVIS • Laurdag 29. juni 2013 9 UTFORDRINGAR: Harald Husabø gav onsdag ei orientering om utfordringane næringslivet i Årdal står overfor. Her er utfordringane nn Mangfald i næringslivet nn Generasjonskifte nn Busetjing ÅRDAL: Meir mangfald i næringslivet, auka busetnad, handel og turisme. Her er dei største utfordringane Årdal står framføre i framtida, ifølgje næringslivet. INDUSTRI: Statistikken viser talet på tilsette innan industrien i Årdal dei siste ti åra. – Årdal kommune framstår som veldig attraktiv for verksemder samanlikna med andre kommunar i landet , men me har mykje å gå på når det gjeld besøkstal og busetjing. Det heng saman med at Årdal er ein innpendlingskommune. 400 pendlar hit dagleg, der den viktigaste kommunen er Lærdal, orienterte Harald Husabø i Årdal Næringssamskipnad i møte med kommunalminister Liv Signe Navarsete og stortingskandidatane til Sogn og Fjordane Senterterparti onsdag. Nye næringar – For det første treng me nye næringar, fordi me framleis slit med det me kallar for Hydro-spøkelset. Me har lenge gått rundt og venta på ei avklaring, og det er ikkje gunstig å gå rundt slik og venta over lengre tid. Samstundes kan me ikkje forstå kvifor det ikkje vil vera gunstig å investera i Årdal når det allereie er så mykje press langs kysten. Auka busetnad Den andre utfordringa kommunen står overfor er eit generasjonsskifte i arbeidslivet. NEDGANG: Statistikken viser nedgangen i talet på tilsette på Hydro i Årdal. Kjelde i alle statistikkar: Årdal Næringssamskipnad KOMMUNE: Statistikken viser talet på tilsette i det kommunale i Årdal dei siste ti åra. TOTALT: Den blå linja viser talet på sysselsette i Årdal til saman. Den raude viser folketalet. – Me veit at ein stor del av arbeidsstyrken vil gå av med pensjon dei kommande åra. Her er det rom for nyrekruttering, sa Husabø. Den tredje utfordringa er å skapa balanse i bustadmarknaden og å få folk til å busetja seg i Årdal – og ikkje berre jobba. Potensiale – I dag ligg det veldig mange bustader ute for sal, men samstundes er det faktisk meir balanse i marknaden i dag enn for eit par år tilbake. Då var det oppgangstider, og prisane blei nærast pressa til eit kunstig nivå. Det er ikkje naturleg at prisane i Årdal skal vera på nivå med Førde. Ifølgje Næringssam- skipnaden er det fleire område det må satsast ekstra på i framtida. – Det er ein stor vekst i heile landet innan tenesteyting, og det har det også vore i Årdal. Me meiner det er potensiale til å veksa endå meir her. Me må også ha fokus på teknologi og handel, sa Husabø. – Den vidaregåande skulen er utruleg viktig. Årdal er den tredje største kommunen i fylket når det kjem til lærlingar. Årdal kom godt ut av det denne gongen, men me er likevel ikkje heilt nøgde, for no blir det garantert ein ny runde om skulestruktur, sa han og la til at eit godt lokalsjukehus i Lærdal er viktig for å gjera det attraktivt å busetja seg i kommunen. Sognefjellstunnell For Næringssamskipnaden er Sognefjellstunnellen eit viktig prosjekt. – Me er sikre på at dette er eit prosjekt som vil få mange gode ringverknader for næringa i kommunane i nærleiken, sa Husabø og fekk støtte av kommunalministeren. – Eg har veldig sans for prosjektet. Det vil vera bra for den delen av Vestlandet som sårt treng utvikling, og som ikkje held tritt med utviklinga langs kysten, sa ho. med mykje vekst. Problemet er at me mista omstillingsstatusen for fort, samstundes som Hydro har halde fram med å kutta arbeidsplassar i det stille. På den andre sida har det blitt stadig fleire arbeidsplassar i kommunen dei siste åra, sa Husabø. Når det gjeld næringsstrukturen i dag samanlikna med år 2000 er det større endringar i innhald enn i struktur. I 2000 jobba 49 prosent av dei sysselsette i kommunen innan industri. I 2011 var talet 45. Mista status Husabø drog også fram tida etter at Årdal blei omstillingskommune som svært positiv. – Det var ein god periode Amalie Lereng amalie@sognavis.no