pdf Ørsta kommune
ØRSTA KOMMUNE politisk sekretariat Plan- og miljø avdelinga for vidare ekspedering Saksnr 2010/253 Løpenr. 686/2015 Saksansvarleg SELBERVIK Arkiv 00 Dato 21.01.2015 Melding om vedtak Ørsta formannskap 20.1.2015, sak 4/15 FRÅSEGN: REGIONAL FORVALTNINGSPLAN FOR MØRE OG ROMSDAL VASSREGION Saksprotokoll i Ørsta formannskap - 20.01.2015 VEDTAK: 1. Ørsta kommune ser positivt på arbeidet med å sikre ein felles, bærekraftig bruk av vassressursane på tvers av tradisjonelle sektormynde, og ønskjer å bidra til at måla i vassforskrifta vert nådd. 2. Ørsta kommune vil peike på behovet for styrke dei økonomiske rammene frå statleg hald for å sikre ei god oppfølging og gjennomføring av aktuelle tiltak innanfor dei ulike sektorområda. 3. Utfordringane knytt til akvakulturnæringa med næringstilføring, lakselus og røming må handterast i forvaltningsplanen på same måte som andre utfordringar. 4. Åmdalselva bør takast ut får lista over kandidatar til SMVF. 5. Svartevatnet bør også takast ut frå lista over kandidatar til SMVF med føresetnad om konsesjonshandsaming av uttak av drikkevassforsyninga til Vartdal vassverk. 6. Ørsta kommune ber fylkeskommunen å prioritere å vidareføre eigne prosjektstillingar i vassområde med tanke på komande planperiode. Postadresse: 6153 ØRSTA postmottak@orsta.kommune.no 700 49 700 700 49 711 www.orsta.kommune.no 939461450 MVA 3992.07.30144 Handsaminga( 9 r.f.) Magnar Selbervik, miljørådgjevar orienterte Fellesframlegg endre punkt 6: Ørsta kommune ber fylkeskommunen å prioritere å vidareføre eigne prosjektstillingar i vassområde med tanke på komande planperiode. Ved alternativ røysting punkt 6 Fellesframlegg fekk 9 røyster og vedteke Rådmannen si tilråding fekk 0 røyster og fall. Rådmannen si tilråding punkt 1 – 5 vart samrøystes vedteke Rett utskrift Inger Johanne E. Løeng Politisk sekretær ØRSTA KOMMUNE SAKSFRAMLEGG Sakshandsamar: Magnar Selbervik Utvalsaksnr. 4/15 Utval Ørsta formannskap Arkivsak: 2010/253 Løpenr.: 13944/2014 Møtedato 20.01.2015 Saka gjeld: FRÅSEGN: REGIONAL FORVALTNINGSPLAN FOR MØRE OG ROMSDAL VASSREGION TILRÅDING TIL VEDTAK: 1. Ørsta kommune ser positivt på arbeidet med å sikre ein felles, bærekraftig bruk av vassressursane på tvers av tradisjonelle sektormynde, og ønskjer å bidra til at måla i vassforskrifta vert nådd. 2. Ørsta kommune vil peike på behovet for styrke dei økonomiske rammene frå statleg hald for å sikre ei god oppfølging og gjennomføring av aktuelle tiltak innanfor dei ulike sektorområda. 3. Utfordringane knytt til akvakulturnæringa med næringstilføring, lakselus og røming må handterast i forvaltningsplanen på same måte som andre utfordringar. 4. Åmdalselva bør takast ut får lista over kandidatar til SMVF. 5. Svartevatnet bør også takast ut frå lista over kandidatar til SMVF med føresetnad om konsesjonshandsaming av uttak av drikkevassforsyninga til Vartdal vassverk. 6. Fylkeskommunen bør prioritere å vidareføre eigne prosjektstillingar i vassområde med tanke på komande planperiode. Saksvedlegg: Høringsbrev, datert 01.07.2014 Regional plan for vassforvaltning for Møre og Romsdal vassregion (2016-2021) Regionalt tiltaksprogram for Møre og Romsdal vassregion NINA 22.12.2014; Oppsummerer årets lakselusovervåking NVE og KLIF rapport 49/2013 liste over vassdrag som er mest aktuelle for vilkårsrevisjonar Uprenta saksvedlegg: (kan lastes ned fra www.vannportalen.no/ ): - Planprogram for Vannregion Møre og Romsdal, godkjent av FT x. dato Vesentlige vannforvaltningsspørsmål for Vannregion Møre og Romsdal, godkjent av VRU xx. 2013 Tiltaksanalyse og miljømål Møre og Romsdal vassregion Overvakingsprogram for Møre og Romsdal vassregion Data får karakterisering, miljøtilstand og påverknadsfaktorar for vassførekomstane kan lastast ned frå www.vann-nett.no Saksopplysningar: Kommunen har motteke høyring av framlegg til regional plan for vassforvaltning for Møre og Romsdal vassregion 2016- 2021. Høyringsfristen var 31.12.2014. Administrasjonen si tilråding er sendt over som førebels fråsegn og formannskapet sitt vedtek vil verte ettersendt. Forvaltningsplanen skal etter høyringa handsamast i fylkesutvalet våren 2015 og deretter leggjast fram for godkjenning av Kongen i statsråd innan 1. juli 2015. Bakgrunn Fylkesutvalget i Møre og Romsdal har vedteke å leggje regional forvaltningsplan for Møre og Romsdal vassregion ut på høyring. Saman med forvaltningsplanen følgjer også eit tiltaksprogram og eit overvakingsprogram. Forvaltningsplanen er ei oppfølging av EU sitt vassrammedirektiv som vart implementert i Noreg i 2007 gjennom vassforskrifta. Forskrifta slår fast at det skal utarbeidast og vedtakast regionale forvaltningsplanar og tiltaksprogram for kvar vassregion, med sikte på å oppfylle miljømåla. Vidare skal det skaffast til veie eit tilstrekkeleg kunnskapsgrunnlag. Alle vassførekomstar skal karakteriserast før ein startar på undersøkingar og overvaking som grunnlag for tiltaksplanar. Vassforskrifta er heimla i både forureiningslova, plan- og bygningslova og vassressurslova. Målet er å sikre god økologisk og kjemisk tilstand i alt vatn. Figur 1. Miljømålet for alt vatn er god tilstand. Planen gir føringar til kommunane, regionale og statlige organ og skal bidra til å samordne og gje retningsliner for vidare forvaltning og arealbruken på tvers av kommune- og fylkesgrensene. Dersom retningslinene ikkje vert følgt opp, kan dette gje grunnlag for å fremme motsegn etter plan- og bygningsloven. Den regionale planen fastset normer for miljøkvalitet for elver, innsjø, grunnvatn og kystvatn og legg føringar for om miljømåla skal nåast innan planperioden 2016-2021 eller utsetjast til ei seinare planperiode (2022-2027 eller 2028-2033). Figur 2. Planhjulet for gjennomføring etter vassforskrifta. Ca 31 % av vassførekomstane (knapt 600) er vurdert til å ha risiko for ikkje å nå miljømåla innan 2021. I figur 3 er risikovurderinga for Søre Sunnmøre synt. Kunnskapsgrunnlaget har ikkje vore godt nok til å gjennomføre kost-nytte vurderingar for alle og difor legg ikkje forvaltningsplanen og tiltaksprogram opp til tiltak i alle disse innan 2021. Vassregionen har prioritert arbeid med vassførekomstar ein ser på som viktigast, og der ein har kunnskap. Figur 3. Risikovurdering av vassførekomstar Søre Sunnmøre Framlegget til forvaltningsplan er basert på midtvegshøyringa vesentlege vassforvaltningsspørsmål som peika på følgjande hovudutfordringar innan vassregionen: akvakultur, - avløp, - flaumsikring og andre fysiske inngrep, - Gyrodactylus salaris og andre framande artar, - avrenning frå landbruk, - miljøgifter, - vasskraft/vassuttak. Denne høyringa vart også lagt fram for formannskap og samfunnsutval som tok høyringa til vitande. Lokalt i kommunen er dei viktigaste årsakene til at vassførekomstar ikkje har god økologisk tilstand inngrep i samband med kraftutbygging, kanalisering/flaumførebygging og avløp får spreidde anlegg og avrenning frå landbruk. Fiskeoppdrett med næringstilføring, røming og lakselus påverkar også mange vassførekomstar. Søre Sunnmøre vassområde har priortert tiltak knytt: - til miljøgifter i Fosnavågen og Lyngnesvika, - Oppfølgjande undersøkingar i den Grøne Korridor - Interkommunalt samarbeid om spreidd avløp - Mørevassdraget For å nå miljømåla er det utarbeidd eit tiltaksprogram med konkrete tiltak for å førebyggje, forbetre eller gjenopprette ønskja tilstand. Tiltaka skal være operative innen tre år etter at tiltaksprogrammet er vedteke og det er dei ulike sektormynda som er ansvarleg for oppfølging/iverksetting innanfor sine ansvarsområde. Det er også utarbeidd eit overvakingsprogram, men dette vert ikkje lagt ved her då formatet er lite eigna. Vel 300 vassførekomstar har fått status som kandidat til «Sterkt modifiserte vassførekomstar» (SMVF) med i utgangspunktet miljømålet «godt økologisk potensial - GØP», tilpassa den samfunnsnyttige bruken av vassførekomsten. Fleire av dei ligg i Ørsta kommune. Dette er vassførekomstar der målet om god økologisk tilstand ikkje er mogleg å nå av omsyn til andre viktige samfunnsinteresser, som kraftproduksjon (Harpedalselva og Smådalselva, Myklebustelva, Risaskarelva, Trandalselva, Tyssaelva, Kårdalselva, Skipedalselva, Lauvadalselva og Sætreelva) og flaumsikring (Årdalselva/Bjørdalselva, Follestaddalelva, Liadalselva, Barstadvik, Vartdal, neste del av Ørstaelva) og vassuttak (Urkeelva). Endeleg utpeikinga av SMVF og fastsetting av miljømål for disse er utsett til neste planperiode då rettleiar kom for seint. I tabell 14 er det likevel lista opp nokre kandidatar som har fått fastsett miljømål GØP. Blandt disse er Åmdalselva står også oppført i tabell 14 over vassførekomstar som er vurdert som SMVF. Dette grunna vassføringsreguleringar i tilføringselvane Bjørdalen og Kvanndalen. Neste del av Bjørdalselva er her omtala som Årdalselva. Åmdalselva bør ikkje vere ein SMVF då Vatnevatnet vil ha stort nok vassmagasin til å demme opp og utjamne dei endringane av vassføringa som følgje av kraftverka. Svartevatnet ovanfor Risaskarvatnet er også med i tabell 14 over SMVF utan at denne er ein del av vassdragskonsesjonen. Vatnet har likevel vore tappa noko ned for å sikre drikkevatn til Vartdal vassverk. Det vert arbeidd med ein ny søknad for å sikre tilstrekkeleg drikkevassforsyning og Svartevatnet bør du kunne gå ut av lista over SMVF med gjennomføring av tiltak innan 2021 og dermed mål om ”god økologisk tilstad”. Tapping frå Storvatnet til produksjon av kunstsnø ved skisenteret på Bondalseidet er ikkje omtala og burde vore avklara gjennom ei handsaming etter vassressurslova. Hovudutfordringa i arbeidet har vore kunnskapsgrunnlaget og manglande ressursar til arbeidet. Skal ambisjonane i vassforskrifta oppfyllast, må ressursbruken aukast. Der det manglar konkrete målingar er miljøtilstanden basert på fagleg skjønnsmessige vurderingar. Organisering: Alt arbeid med oppfølging av vassforskrifta i Noreg er delt inn i vassregionar og mindre vassområde. Ørsta kommune er med i vassregion Møre og Romsdal og vassområde Søre Sunnmøre. Vassområdeutvalet, som består av ordførarane i dei 7 kommunane skal sikre kommunane sin medverknad, forankring og kontinuitet i arbeidet mot god kjemisk og økologisk vasskvalitet. Ordførar sit også i vassregionutvalet (sjå elles figur 3 i planen). Meir informasjon om arbeidet etter vassforskrifta og arbeidet med å lage forvaltningsplan ligg på nett under: www.vannportalen.no. Vassregion Møre og Romsdal har her ei eiga side. Vurdering og konklusjon: Framlegg til tiltak frå einskilde sektorar er mangelfullt. Særleg har Fdir i liten grad bidrege og mest vore eit talsrøyr for oppdrettsnæringa med ønskje om å unngå nye tiltak knytt til utfordringane med td lakselus og røming. Forvaltningsplanen får då ei skeivheit gjennom at det er dei tiltaka som er utgreidd i tiltaksanalysen som vert prioritert for gjennomføring, medan viktige område ikkje kjem med. Skal ein klare å få til ei heilskapleg vassforvaltning der miljømåla vert nådd på ein mest mogleg samfunnsøkonomisk kostnadseffektiv måte må ansvarlege innan alle sektorar bidra. Nedanfor vil eg trekkje fram nokre korte hovudmoment i arbeidet. Ut over dette syner eg til vedlagte forvaltningsplan og tiltaksprogram. Landbruk Avrenning frå landbruk er vurdert som ein negativ påverkar på vasskvaliteten i blant anna Storelva på Vartdal og Øvre del av Bondalselva. Dette ut frå eldre prøver. Planen legg blant anna opp til ein ny gjennomgang av fristane i lokal forskrift om spreiing av husdyrgjødsel. Disse tek i dag ikkje tilstrekkeleg omsyn til ulik lengde på vekstsesong. Landbrukskontoret har vore trekt med i arbeidet med planen og har kome med innspel. Dei vurderer det slik at: ”Planen beskriv både status og utfordringane som er knytt til landbruket på ein god måte. Landbruksfagleg har ein ikkje merknad til planen slik den no ligg føre.” Vasskraftreguleringar og vassuttak Mange elvar i kommunen er utbygde for produksjon av vasskraft. Dei vassdraga som er mest påverka er vurdert som kandidatar til sterkt modifiserte vassførekomstar (SMVF). For nokre (SMVF) kan ein ikkje oppnå godt økologisk potensial (GØP) utan å endre konsesjonsvilkåra. Dette der konsesjon ikkje inneheld standardvilkår, og dermed ikkje heimel for pålegging av miljøundersøkingar og biotoptiltak. NVE og KLIF har utarbeidd ei liste over vassdrag som er mest aktuelle for vilkårsrevisjonar (rapport nr 49/2013). Både Tyssareguleringa og Ørstavassdraget (Bjørdalen og Vatne) er open for vilkårsrevisjon, men er ikkje av dei som er prioritert i rapporten (sjå vedlagt utsnitt av rapport 49/2013). Mørevassdraget (Austefjord) er heller ikkje prioritert av NVE og KLIF, men vert no tilrådd prioritert gjennom forvaltningsplanen. Kommunen eller lag- og organisasjonar kan krevje revidering av konsesjonsvilkåra. I tillegg til krav til minstevassføring er også restriksjonar i høve magasin og reguleringshøgde aktuelle tiltak. Overføringa av Skipedalselva til Tyssavatnet utan krav til minstevassføring reduserer anadrom strekning i Bjørkevassdraget og synes ikkje vere teke med i rapporten til NVE og KLIF. På grunn av manglande dynamikk mellom med forvaltningsplanar for vatn og praksisen med tidsavgrensa vilkårsrevisjonar for eldre vassdragsreguleringar er Noreg klaga inn for ESA (EFTA sitt overvakingsorgan). Denne klagen ventar framleis på ei avklaring og vil kunne bidra til større dynamikk i høve slike vilkårsrevisjonar i framtidige planperiodar. Flaumsikring Fleire vassdrag i kommunen er førebygde og utretta for å vinne stabile jordbruksområde td Storelva i Follestaddalen, nedre del av Bondalselva, Barstadvik og Vartdal. For å betre forholda for gyting og oppvekst så langt som råd i slike vassdrag er det naudsynt med biotopforbetrande tiltak. Det er utarbeidd plan og gjennomført tiltak i Vartdalselva. I Follestaddalen er det også utarbeidd ein plan, men denne har ikkje kome til gjennomføring og må utvidast til å omfatte massetransport. Begge er med i tiltaksplanen. På fleire elvestrekningar har også førebygging eller andre fysiske inngrep (td vegar) skapt oppgangshinder for fisk. Strandsona Utfylling i strandsona kan endre straumforhold og vassutskifting. Slike inngrep i dei grunne mest produktive og artsrike område gjev også endringar i økosystemet og arts samansetninga. Vatn- og avløp Ørsta kommune har etterkvart eit relativt godt utbygd offentleg avlaupsnett, men reinseanlegget er gammalt og dårleg. Dette er prioritert i økonomiplanen. I høve private mindre/spreidde anlegg er derimot både tilstand og kommunen si oppfølging som forureiningsmynde mangelfull. Vassområde har difor prioritert dette temaet og det vert arbeidd med etablering av eit felles interkommunalt organ for slike saker der ein kan byggje opp kompetanse og prioritere arbeidet. Dette for å byggje opp og samle kompetansen på fagområdet. Dette vil redusere påverknaden frå spreidde avløp til mange vassførekomstar. Det vert lagt opp til å nytte heimelen i forureiningslova til å i all hovudsak gebyrfinansiere dette. Det vert også arbeidd med felles lokale forskrifter. Vi kjem attende med ei eiga sak som oppfølging av denne prioriteringa. Overvatn vert ofte leia ureinsa og ukritisk til næraste resipient. Slikt overvatn frå tettstadar og industriområde kan innehalde tungmetall og andre miljøgifter. Salting av hovudvegane gjev ureining av nærliggande vassførekomstar. Forureina sediment I vassområde er det hamnene i Fosnavåg og Lyngnesvika som har vore prioritert. Fjordområda utanfor fleire verft er undersøkt og det er funne høve konsentrasjonar av miljøgifter. Nokre fjordområde som Borgundfjorden, Ellingsøyfjordne og Sunndalsfjorden har også kosthaldsråd for fisk og sjømat. Fiskerihamna på Vartdal er kategorisert som risko og bør følgjast opp med nærare undersøkingar. Framande arter Det er ikkje registrert førekomst av ørekyte eller gyrodactylus salaris i kommunen. Elveeigarlaga drive førebyggande arbeid med informasjon og desinfisering av fiskeutstyr. Det er derimot funnet pungreke i Rognestøylvatnet. Planen er vag i høve korleis ein skal hindre at denne truleg utsette arten spreiar seg vidare. Det er registrert Japansk sjølyng i Botnfjorden truleg spreidd med ballastvatn. Pga terminalen i Ørstafjorden og fiskerihamna på Vartdal burde dette vore betre undersøkt lokalt. Akvakultur Er av kommunen tidlegare peika på som ein viktig trussel mot god økologisk tilstand i fleire vassførekomstar. Opne anlegg bidreg med store mengder næringssalt til fjordane. Særleg for lokale bestandar av sjøaure er lakselus dokumentert å ha stor negativ effekt (seinast NINA 22.12.2014; Oppsummerer årets lakselusovervaking). Røming truar vidare laksen si genetiske tilpassinga til kvart vassdrag. Miljø- og fiskeridirektoratet arbeider med utvikling av målemetodar og grenseverdiar for vurdering av kva som er berekraftig miljøpåverknad på villfisk. Dette arbeidet er ikkje klart og i karakteriseringa er påverknadsgraden frå lus og røming førebels sett som uklar i dei vassførekomstane dette er ei kjend utfordring. Fdir har likevel fremja usemje. Dette går fram av kapittel 1.8 og må avklarast av kongen i statsråd. Anna Forvaltningsplanen gjev eit greitt bilete på utfordringane, men både kunnskapsgrunnlaget, miljømål og tiltaksplanen med kost/nytte vurderingane er mangelfulle. Det manglar nye tiltak på viktige område som oppdrett. Dette har også verknad for både kommunane og andre si vilje til å prioritere gjennomføring av ”sine tiltak”. Gjennomføring av forvaltningsplanen vi ha klart positive effekt for miljøet og kommunen sine innbyggjarar. Miljømåla er i all hovudsak standard ”god økologisk tilstand”, men for fleire SMVF kandidatar er miljømåla utsette til neste planperiode. Dette då rettleiar for SMVF kom for seint og fastsetting av miljømål må utsettast til neste planperiode (2021-2027). 6 vassførekomstar rundt verdsarvfjorden i Geiranger har fått strengare miljømål enn kravet etter vassforskrifta. Nokre vassførekomstar har fått utsett frist (jf tabell 15) td Botnavika og Haddalsvika i Herøy. Dette då samfunnsmessige kostnader med naudsynte tiltak for å oppnå standard miljømål er vurdert å overstige nytten for samfunnet. Økonomi Så langt har Fylkeskommunen dekt kostnader til eigen sekretær i vassområda, som har koordinert arbeidet med utarbeiding av tiltaksanalysar. Søre og Nordre Sunnmøre har delt ei full prosjektstilling (fram til 31.12.2013) til dette arbeidet. Dette har vore naudsynt. I andre delar av landet har kommunane sjølv måtte dekt slike utgifter Arbeidet er svært omfattande og vedkjem mange ulike fagområde både internt og utanfor kommunen. Kommunane har bidrege administrativt gjennom deltaking i karakterissering, tilstandsvurdering og innspel til tiltaksanalyse og politisk handsaming. Frivillege lag og organisasjonar har delteke gjennom opne møter. I tillegg til miljøvernrådgjevar som har koordinert arbeidet lokalt har også landbruk og vatn/avløp vore trekt med. Etter at ordninga med eigen prosjektleiar for vassområde opphøyrte frå årsskrift 2013/14 har ein mista ein eksisterande samarbeidsarena. Dette er uheldig og om dette ikkje kan vidareførast må kommunane ta sikte på å etablere ein felles prosjektleiar for vassområde som kan sikre koordinering og framdrift i høve gjennomføring, overvaking og forarbeid med tanke på neste planperiode. Wenche Solheim Arnstein Nupen Rådmann Leiar plan- og utviklingsstaben
© Copyright 2024