1. No category

Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu ataatsimiititaq
Ulloq: 08.09. 2016
Saqqaa
Isumaginninnermut, Suliffeqarnermut
Inuussutissarsiornermullu ataatsimiititaq
Oqaluuserisassanut tapiliussaq
Sisamanngorneq ulloq 8. septembari nal. 09.00
Ilaasortat
Malene Lynge (IA)
Storm Ludvigsen (IA)
Charlotte Ludvigsen (IA)
Peter Davidsen (S)
Ane Egede Mathæussen (S)
3. Ilisimatitsissutit ............................................................................................................................ 1
03E Tikaagullittassanik agguaasseqqinneq..................................................................................... 1
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu ataatsimiititaq
Ulloq: 08.09. 2016
Qup. | 1
3. Ilisimatitsissutit
03E Tikaagullittassanik agguaasseqqinneq
Ilisimatitsissut
J.nr.: 75.03.04
Isumaginninnermut, Suliffeqarnermut Inuussutissarsiornermullu Ingerlatsivik – pisortaq Grethe H.
Nielsen/ GRNI
Suliassamik eqikkaaneq
Aalisarnermut, Piniarnermut Nunalerinermullu Naalakkersuisoqarfik ulloq aggutsip 30-at 2016,
Kommuneqarfik Sermersuumi tikaagullittassanik agguaasseqqinnissamut missiliuummik
nassiussivoq. Tikaagullitassanik agguaasseqqinneq Naalakkersuisumit akuersissutigineqassappat,
Kommuneqarfik Sermersooq tikaagullitassanik ataatsimoorluni pisassanik marlunnik immikkut
ittumik tunineqaqqissaaq.
Inassuteqaat
Isumaginninnermut, Suliffeqarnermut Inuussutissarsiornermullu Ingerlatsiviup, Isumaginninnermut,
Suliffeqarnermut Inuussutissarsiornermullu Ataatsimiititamut inassuteqaatigaa:
- ilisimatitsissut tusaatissatut tiguneqassasoq.
Suliamik saqqummiussineq
Aalisarnermut, Piniarnermut Nunalerinermullu Naalakkersuisoqarfik ulloq aggutsip 30-at 2016,
Kommuneqarfik Sermersuumi tikaagullittassanik agguaasseqqinnissamut missiliuummik
nassiussisimavoq. Tikaagullitassanik agguaasseqqinneq Naalakkersuisumit
akuersissutigineqassappat, Kommuneqarfik Sermersooq tikaagullitassanik ataatsimoorluni
pisassanik marlunnik immikkut ittumik tunineqaqqissaaq.
Aaqqiissutissatut siunnersuut – suliatigut naliliineq
Tikaagullittassanik agguaassinermi Arfernik angisuunik illersuineq piniarnerlu pillugit
Namminersorlutik oqartussat nalunaarutaat nr. 12, § 12, imm. 3, 22. december 2014-imeersoq
atorneqarpoq.
Arsuk, Qeqertarsuatsiaat kiisalu Kapisillit, ulloq septembarip 2-at pisassiissutit taakkua
atorsimanngilaat, taamaattumik ingerlatsivimmit innersuussutigineqarpoq nunaqarfimmiut
akuersissutitik tigummiinnassagaat, aamma Nuummi aalisartut piniartullu peqatigiiffii, NAPP
aamma Neqitaq, pisassamik ataatsimik qinnuteqarsinnaasut. Pisassiissut taanna
tunniunneqassaaq qinnuteqartut akornanni makitsinikkut.
Aalisarnermut, Piniarnermut Nunalerinermullu Naalakkersuisoqarfiup siunnersuinera
naapertorlugu, tikaagullittassat kingullersaat “toqqorsivimmut ikineqassaaq”, kingusinnerusukkut
taanna nunaqarfinnit qinnuteqaatigineqarsinnaaqqullugu Namminersorlutik oqartussat
nalunaarutaat nr. 12, § 12, imm. 3, malillugu.
Aningaasatigut sulisoqarnikkullu naliliinerit
Soqanngilaq.
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu ataatsimiititaq
Ulloq: 08.09. 2016
Qup. | 2
Inatsisitigut tunngavissaq allakkallu tunngaviusumik uppernarsaatitallit
Arfernik angisuunik illersuineq piniarnerlu pillugit Namminersorlutik oqartussat nalunaarutaat nr.
12, 22 december 2014-imeersoq.
Ingerlariaqqinnissaq
Namminersorlutik oqartussat agguaasseqqinneq pillugu tusagassiuutinut nalunaaruteqarnerata
kingorna, agguaasseqqinneq kiisalu Nuup illoqarfiani aalisartunut piniartunullu pisassamik
qinnuteqarnissamut periarfissaq pillugu ingerlatsivimmit tusagassiuutinut nalunaarusiortoqassaaq.
Aningaasaqarnermut Allatseqarfimmit oqaaseqaatit
Ingerlatsivik naliliivoq, suliamut tassunga tunngatillugu Aningaasaqarnermut Allatseqarfimmit
oqaaseqaatinik piniarnissaq pisariaqanngitsoq.
Innuttaasunik peqataatitsineq/attaveqaqatigiinneq
Ukunani Aalisartut Piniartullu peqatigiiffii; Tasiilaq, Ittoqqortoormiit, Arsuk, Qeqertarsuatsiaat kiisalu
Kapisillit attaveqarfigineqareerput.
Nuummi Aalisartut Piniartullu peqatigiiffii, NAPP kiisalu Neqitaq, tamarmik ilisimatitsissutigaat
tikaagullittassamik ataatsimoorluni pisassamik pissarsinissaq tamarmik kissaatigalugu.
Ilanngussaq
Soqanngilaq.