Áberávkus ja vuovdnás doaresbealluoddarievvár, vai?
Áberávkus ja vuovdnás doaresbealluoddarievvár, vai? Hei, Geir. jurddašin čállit veahá ságáha váldosadječállosa birra mii lei duo muhtun beaivvi, mas bálkestit munnje ruovttoluotta. Eirik Palm, FeFo kommunikašuvnna ja servodatoktavuođa jođiheaddji Vuosttamužžan: Giitu go Finnmárkkuopmodaga bures. Dat maid FeFo bargá lea mávssolaš eanas ássiide Finnmárkkus, danne lean duhtavaš ahte mediat čuvvot buriid ja baháid, ja Ságat dahká vuđolaš barggu. FeFo ovdanboahtá nana beallin, ja ferte danne gierdat go gehččet kritihkalaččat min barggu. Dasto veahá duogáš: Ságaha vuosttaš siiddus čakčamánu 23. beaivvi roaškala Sámi álbmotbellodaga báikkálaš jođiheaddji Bjarne Store-Jakobsen maŋŋil bures čađabargojuvvon ođasášši mas redaktevra Geir Wulff lea leamaš peanna duohken. Vuolggasadji lea golbma sierranas dáhpáhusa;Okta Sievjjus ja guokte Unjárggas, main eaiggátvuođagažaldat lea meannuduvvon Finnmárkku Meahcceduopmostuolus. Dat golbma namuhuvvon ášši loahpahuvvo soabahemiin, ja ođasáššis konkluderet don dasto ahte FeFo dainna lea dagahan 1,3 miljovnna dárbbašmeahttun goluid servodahkii. Aviissa ovdasiiddus gohčoda Store-Jakobsen visot « doaresbealluodda-rievideapmin», ja moadde beaivvi maŋŋil čuovvola Ságat váldosadječállosis čielggadusain FeFo:in man vuođđun lea namuhuvvon artihkal. Das gohčoduvvot mii «áberávkus, vuovdnás, ja skuordna dálloeaiggádin» gii dušše berošta iežas gárrái čoaggit. Dat addá munnje vejolašvuođa muitalit veahá min birra. 25 jagi vásáhusain norgga preassas liikon mun bastilis cealkámušaid. Mun liikon vel lossa áššiid álkibun dahkamiige, muhto dat lea oainnat nu ahte juohká okta gii eallá ja ássá Finnmárkkus lea Finnmárkkuopmodaga ovddasvástádus. Vuolggasadjin lea ahte dus, Geir, mus ja Bjarne StoreJakobsenis ja earáin galgá leat lihkka buorre vejolašvuohta vánddardit ja geavahit luonddu fylkkas gos mii ássat. Nugo dilli lea odne, eaiggáduššat mii 95 proseantta fylkka eatnamiin. Dan dahkat mii ovttas eará ássiiguin. FeFo lea biddjon áimmahuššat dan eaiggátvuođa buoremussan buohkaide. Dan mandáhta berret hálddašit jierpmálaččat. Dat lea diehttelas oahpis, muhto dá lea almmatge oanehaččat muitaluvvon: Go FeFo válddii badjelasas Finnmárkku eatnamiid suoidnemánu 1. beaivvi 2006:s ássiid bealis geat goas ihkinassii ásašedjet dáppe, lei eaktun ahte galgá guorahallat ja čielggadit individuálalaš ja kollektiivvalaš rivttiid Finnmárkokommišuvnna bokte (jus leat vuostemielas lea dušše googlet «finnmárkkuláhka ja scrollet vulos kapihtal viđežii). Muhto mo áššiiguin mat leat eahpečielgasat? Berret go lohkat juo? Mo dasto eará sullásaš áššiiguin? Láhka váldá vuhtii dan maiddái. Don čálát ahte FeFo stivra bargá lága bustáva ja vuoiŋŋa vuostá. Vuollegašvuohta oktasašvuhtii ja doibmii mii midjiide lea addon, dahká ahte mii háliidit ahte ii galgga leat eisege eahpádus ahte lea riekta go vuoigatvuođat molsašuvvet oktasaš opmodahkan priváhta oamastussii. Dasa leat mii maiddái geatnegahtton. Viidáseappot lea buorre prinsihppa Norggas ahte mii diktit eahpitkeahtes oasálačča - rievtti mearridit nággogažaldagaid. Dan dahká maiddái Finnmárkkuláhka, ja ulbmil das lea ahte nu oallugiin go vejolaš - sorjákeahttá man olu sis lea bumbávuođus – galgá leat vejolaš geahččalit áššis almmá mávssekeahttá. Dat lea gal buorre ortnet mii áimmahuššá buot oasálaččaid, iige duššás golahuvvon ruhta. Mis soabaheimmet danne go lei láhččojuvvon dasa dain konkrehta áššiin. Dat lea dábálaš vuohki čoavdit áššiid, daid dieđuid vuođul mat leat go ášši lea gieđahallamis rievttis. Buot áššiin lei dilli Finnmárkku Meahcceduopmostuolus ahte ledje ilbman ođđa dieđut mat eai lean leat go kommišuvdna meannudii ášši. Dábi dihte: FeFo lei buot golbma namuhuvvon áššis stevdnejuvvon rievtti ovdii. Ii leat goassege dáhpáhuvvan ahte FeFo lea stevdnen ovttage. Vuoigatvuođaid čielggadeapmi lea stuorra ja viiddis bargu, ja leat dvendigvis olu áššit maidda meahcceduopmostuollu ferte buktit oaiviliiddis. Dasa bijai maiddái Stuorradiggi fuomášumi go riikkačoahkkaneapmi mearridii Finnmárkkulága 2005:s. Áššit bohtet nappo dađistaga, ja maŋŋil dan mii mearriduvvui Stierdná-áššis gieskat Alimusrievttis, joatká Unjárga-ášši meahcceduopmostuolus. Das lea muđui láhkadieđaprofessor Øyvind Ravna – mii lea olu gerddiid čielggadan FeFo:in, Finnmárkokommišuvnnain ja Finnmárkkulágain, ja maid mediat geavahit eahpitkeahtes áššedovdin – veahkeheaddjin Unjárgga gilisearvái rievttis. (Son gii lea namuhuvvon maŋemus lea dasa lassin dahkan stuorra ášši das ahte FeFo ja vuolláičálli ii dovdan ON-erenoamášraportevrra raportta mas FeFo čájehuvvui leat sierra fáddá. Mu vástádus epoasttas NRK Sápmái lei ahte mii eat dovdan sisdoalu dalle. Dat lea sakka erohus.) Don jearat oaivečállosis ipmirda go FeFo veala du ja mu. Dan mii dahkat. Muhto lea maiddái vealla du ja buohkaid. Dasto loahpahat don nannemiin ahte FeFo beaggin lea sakka doddjon. Ii leat FeFo duohken mearridit leago mis buorre beaggin, muhto buohkaid earáid. Midjiide leat buorit oktavuođat min «eaiggádiidda» deaŧalaččat. Ádden maiddái ahte lea álki sympatiseret geahnohis beliin, muhto jáhkán seammás ahte beaggin livčče gillán eambbo jus livččiimet miehtan buot. Ii várra dakka viđe, muhto guhkit áigái go dás ja dál. Mis han gal lea ovddasvástádus sidjiide geat bohtet min maŋábealde. Dasto manne biehttalit mii? Mii sáhttit goit bisánit ja guorahallat paradoksa mii lea ahte dat guhte soahtá Finnmárkku álbmoga vuoigatvuođaid ovddas obbalohkái - ja guhte čuožžu dáhkideaddjin fylkka privatiserema vuostá – lea dat seamma fitnodat ja seamma stivra maid don gohčodat áberávku ja vuovdnájin. Sávan diehttelas ahte joatkát čállimis FeFo birra sihke buriid ja baháid. Jus dovddan du riekta preassaalmmájin boađát don dahkat dan. Olu dearvvuođat
© Copyright 2025