Ođasreive nummar 7
Ođasreive 1 (2) Nummar 7, čakčamánu 2016 Ráhkis lohkki, Čakča lea ovdan, lasttat roškodeamen - leat máŋggain fearggas - duođain “Grand Final” ja Mistra Arctic dutkit leat gearggusin čállit girjji “Institutional change or inertia? Understanding societal change and vulnerability in Northern Europé in the context of climate change”. Girjjis galgá leat čoahkkáigeassu Mistra Arctic dutkamiid bohtosiin. Galgá čilget got servodat hálddaša hástalusaid máilmmi viidosaš liggemis – maid sáhttá álkit rievdadit ja gos leat njuovžilis rievdamat? Dutkit gávnnadit Stockholmas golggotmánus ovttas čállit ja ságastit sierra kápihttaliid hámi ja sisdoalu ja moattis sis jotket Murmánskii olgomátkkiin. Berošteddjiid árvalusat stivrejit dutkama Seamma láhkaigo ovddit olgomátkkiin Luspái, Bájilii, Girkonjárgii ja Ylläsii de berošteddjiin Murmánskkas lea máŧolašvuohta buktit oainnuid ja evttohusaid makkár jearaldagaid sii sihtet dutkit galggale vástidit sin perspektiivvaid vuođul. Dat árvalusat leat hirbmat árvosat. Mistra Arctica stivra lea borgemánus juolludan liige návccaid dutkiide geat sierra láhkái háledit iežaset čiekŋudit áššiide mat leat ihtán dákkár gulahallamis. Dás vuollil leat moadde ovdamearkka: Feaskárastin ruvkeindustriijas Vástádussan árvalussii geavaheddjiin Luspies ja Bájilis galgá Niklas Eklund ovddasteddjiin ruvkedoaimmas ja iežá guovlulaš berošteddjiin Ruoŧas čađahit jearahallaniskkadeami man dávjá ja got sii geavahit feaskárastima iežaset ulbmiliid olaheamis. Ruhtadeapmi lea várrejuvvon ja duođalaš bušeahtta galgá dohkkehuvvot. Urbána struktuvrrat ja sohkabealli Olus berošteddjiin namuhit sohkabeali dehálaš perspektiivan go hábmet boahtteáiggi bissovaš servodaga. Ekaterina Kalemeneva doaibma prošeavttas guhkiduvvo vai buorebut sáhttá čilget got Sovjetlihttu geahččalii bargat dan buorrin ja maid iežá servodatvišuvnnaid buorrin go 1900-logu maŋit geažis hukseje industriijaguovlluid nuortan. Juolluduvvon ruhtadeapmi: 25 000 ruvnnu. 2 (2) Mii dáhpáhuvvá go málbma nohká? Berošteaddjit Girkonjárggas suokkardalle áigodaga maŋŋil ruvkeroggama. Dárbbašit eanet máhtu makkár máŧolašvuođat leat bissovaš servodagas go ruvkeroggan loahpahuvvo. Jan Kunnas ja Dag Avango galgaba viiddidit iežaska olgoiskamiid Norrbottenis dan kulturárbbi birra mii sáhttá gávdnot heaittihuvvon ruvkkiin ja iežá loahpahuvvon industriijain. Leatgo turistaruvkkit vuohkin lasihit ruvkedoaimmahaga guhkitáiggi ávkki servodahkii. Leago dat dušše ággan vai eai dárbbaš čorget iežaset maŋis. Juolluduvvon ruhtadeapmi: 21 000 ruvnnu. Guossástalliid dárbu lihkakeahtes eatnamiidda Berošteaddji turisttat ja barggaheaddjit, geassedálloeaiggádat ja iežát dovdet dávjá iežaset gullevažžan mearrádusaide mat sáhttet uhkkidit máŧolašvuođa lihkakeahtes mehciide, čázádagaide ja duoddariidda. Dat bođii ovdan berošteaddjičoahkkimis Ylläsis. Lovisa Solbär galgá fágalašjorgaleddjiid vehkiin suomagielas eŋgelasgillii oaččuhit prentenhápmái bohtosiid dain jearahallamiin olgobargguin davimus Suomas. Ruhtadeapmi lea várrejuvvon ja duođalaš bušeahtta galgá dohkkehuvvot. Dallego oljoindustriija gilvvohallá guolástemiin Gilvu eatnangeavaheamis lea áigeguovdilin sihke nannámis ja mearas Nuorttamus Norggas. Návccalaš barggaheaddjit einnostit buriid máŧolašvuođaid boahtteáiggis. Áviisačállosiin vuohttá nuppelágan boahtteáiggi. Dávjá doarjun dihte goappás bealit ila duostilisvuođain máinnahit dan máilmmi viidosaš ekonomiija. Urban Wråkberg galgá analyseret ja vuosehit makkár váigatvuođaid dát diehtojuohkin sáhttá mielddisbuktit báikkálašorruide ja suohkaniidda. Ruhtadeapmi lea várrejuvvon ja duođalaš bušeahtta galgá dohkkehuvvot. Populáradieđa girji Máŋggas berošteddjiin váillahit populáradieđalaš čoahkkáigeasuid Mistra Arctica dutkanbohtosiin. Vástádussan dasa, Lize-Marie van der Watt galgá čállit 15-20 siidosaš populáradieđalaš čoahkkáigeasu gos dat deháleamos bohtosat čilgejuvvojit vuohkkasit ja dárkilit. Girji čállojuvvo eŋgelasgillii muhto sáhttá maŋibut jorgaluvvot, oasit dahje olles girji, ruoŧagillii. Juolluduvvon ruhtadeapmi: 57 723 ruvnnu. Boahtte čoahkkin Murmánskkas Maŋemusat berošteaddjičoahkkimiin leat Murmánska-guovllu servodatsuorggi ovddasteaddjit. Sii bovdejuvvojit čoahkkimii golggotmánu 20 beaivvi gos leat 10 Mistra Arctic dutki. Dieđusge maiddai sin jearaldagat ja oainnut leat ávkkálaččat Mistra Arctic dutkiide. Lena Maria Nilsson, Mistra Arctica gulahalli
© Copyright 2025