1. No category

Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
Ulloq: 24. jan. 2017
Saqqaa
Isumaginninnermut, Suliffeqarnermut
Inuussutissarsiornermullu Ataatsimiititaq
Immikkut ittumik ataatsimiinneq
Oqaluuserisassanut
Marlunngorneq ulloq 24. januaari nal. 14.00
Ilaasortat
Charlotte Ludvigsen (IA)
Storm Ludvigsen (IA)
Malene Lynge (IA)
Peter Davidsen (S)
Ane Egede Mathæussen (S)
Ataatsimeeqataasinnaanatik nalunaartut
Sinniisussatut aggersakkat
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
Ulloq: 24. jan. 2017
Qup. | 2
Oqaluuserisassat
1. Oqaluuserisassat akuerineqarnerat............................................................................................. 3
2. Nalunaarutit ................................................................................................................................ 4
02A Siulittaasumit ........................................................................................................................... 4
02B Ingerlatsivimmit ........................................................................................................................ 4
3. Ilisimatitsissutit ............................................................................................................................ 5
03A Namminersorlutik Oqartussat umiatsiaararsortunut piniarnermut allagartat aamma
aalisarsinnaanermut akuersissutit pillugit suliaannik kommunimut suliassanngortitsineq pillugu
ilisimatitsissut .................................................................................................................................. 5
4. Aalajanngiiffigisassat................................................................................................................... 8
5. Suliassat Aningaasaqarnermut ataatsimiititami aamma Kommunalbestyrelsimi
aalajangiiffigisassat ......................................................................................................................... 9
05A Utoqqaat pillugit immikkoortumut pilersaarut - Immikkoortut pingajuat (atuutilersitsineq) ......... 9
05B Nunaqarfinnut immikkoortumut pilersaarut ............................................................................. 11
6. Immikkoortut matoqqasut .......................................................................................................... 17
7. Taasariaqartut allat ................................................................................................................... 18
8. Imaqarniliap akuerineqarnera.................................................................................................... 19
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
1. Oqaluuserisassat akuerineqarnerat
Ulloq: 24. jan. 2017
Qup. | 3
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
2. Nalunaarutit
02A Siulittaasumit
02B Ingerlatsivimmit
Ulloq: 24. jan. 2017
Qup. | 4
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
Ulloq: 24. jan. 2017
Qup. | 5
3. Ilisimatitsissutit
03A Namminersorlutik Oqartussat umiatsiaararsortunut piniarnermut
allagartat aamma aalisarsinnaanermut akuersissutit pillugit suliaannik
kommunimut suliassanngortitsineq pillugu ilisimatitsissut
Ilisimatitsissut
J.nr.: 72.02.02
Isumaginninnermut, Suliffeqarnermut Inuussutissarsiutinullu Ingerlatsivik – pisortaq Grethe H.
Nielsen / GRNI
Suliassamik eqikkaaneq
Aalisarnermut Piniarnermullu Naalakkersuisoqarfiup 2016-ip ingerlanerani, piniarnermut allagartat
aalisarsinnaanermullu akuersissutit ilaasa atulersittarnerinut allaffissorneq pitsanngorsarniarlugu
nittartakkami aaqqiissuteqarsimavoq. Periuseq nutaaq imaappoq, piniarnermut allagartaq
aalisarnermullu akuersissutit ilaat pillugit suliassat Namminersorlutik Oqartussat Kommuninut
tunniuppaat, tassuuna ajornannginnerusumik pitsaanerusumillu suliap ingerlasinnaanissaa
periarfissinniarlugu. Nittartakkakkullu aaqqiissutip innuttaasut, aalisartut aamma piniartut
nammineerlutik taakkuninnga suliaqarsinnaalernerannik periarfissaqalersippai.
Inassuteqaat
- Isumaginninnermut, Suliffeqarnermut Inuussutissarsiornermullu Ingerlatsiviup
Isumaginninnermut, Suliffeqarnermut Inuussutissarsiornermullu Ataatsimiititamut
inassuteqaatigaa:
- Namminersorlutik Oqartussat, umiatsiaararsortunut piniarnermut allagartat aamma
aalisarsinnaanermut akuersissutinik suliaqartarnerup Kommunimut tunniunneqarneranik
ilisimatitsissut tusaatissatut tiguneqassasoq
Suliassamik saqqummiussineq
Aalisarnermut Piniarnermullu Naalakkersuisoqarfiup 2016-p ingerlanerani, piniarnermut allagartat
aalisarsinnaanermullu akuersissutit ilaasa atulersittarnerinut allaffissorneq pitsanngorsarniarlugu
nittartakkami aaqqiissuteqarsimavoq. Periuseq nutaaq imaappoq, piniarnermut allagartaq
aalisarnermullu akuersissutit ilaat pillugit suliassat Namminersorlutik Oqartussat Kommuninut
tunniuppaat, tassuuna ajornannginnerusumik pitsaanerusumillu suliap ingerlasinnaanissaa
periarfissinniarlugu. Nittartakkakkullu aaqqiissutip innuttaasut, aalisartut aamma piniartut
nammineerlutik taakkuninnga suliaqarsinnaalernerannik periarfissaqalersippai.
Nittartakkakkut aaqqiissutip, sunngiffiimi aamma inuussutissarsiutigalugu piniarnermut allagartat
Kommunini pissarsiassaalersippai, tassani pineqarlutik piniarnermut allagartat immikkut
qinnutigineqartariaqanngitsut. Aalisarsinnaanermut akuersissutinut tunngatillugu pineqarput
umiatsiaararsortunut sinerissap qanittuani qaleralinniarnermut, saarullinniarnermut,
kapisilinniarnermut nipisanniarnermullu akuersissutit - aamma tassani immikkut
qinnuteqartariaqanngitsut pineqarput.
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
Ulloq: 24. jan. 2017
Qup. | 6
Nittartakkakkut atortoq Namminersorlutik Oqartussanit pigineqarpoq ingerlanneqarlunilu.
Aaqqiissutissatut siunnersuut – suliatigut naliliineq
Ingerlatsiviup nittartakkap ineriartorteqqinneqarnissaanut periarfissat pitsaasut eqqarsaatigaat,
suliaqarfiit allat assingusut pitsanngorsarniarlugit, tamannalu Aalisarnermut Piniarnermullu
Naalakkersuisoqarfiup isumaqatigaa, pilersinneqareersumilu allannguutissanut tunngatillugu.
Taassuma periutsip nutaap Kommunimi suleriaatsit allanngortissavai, suliamillu ingerlatsinerit
malunnaatilimmik sivikinnerulersillugit. Suleriaatsit nutaat atorneqalerpata, Kommunip suliaasa
annertussusaat ukiumut ¼ -nik annikinnerulissasut.
Namminersorlutik Oqartussanit 2017-mi aningaasanut inatsimmi, kommuninut aalisarnermut
akuersissuteqarnissamut allaffissornermi aningaasartuuteqarnerunissamut 500.000,- koruuninik
aningaasaliiffigineqarput.
Nittartakkamik nutaamik misileraaneq, januaarimi 2017 innuttaasunik sullissivimmi sulisunit
ingerlanneqarpoq..
Ingerlatsiviup innersuutigaa Isumaginninnermut, Suliffeqarnermut Inuussutissarsiornermullu
Ataatsimiititap, suliassat taaneqartut Namminersorlutik Oqartussanit Kommunimut tunniussinerat
akuersissutigissagaa taamalu periuseq nutaaq februaarip aallaqqaataanni 2017 atulissasoq.
Aningaasaqarnikkut sulisoqarnikkullu naliliinerit
Namminersorlutik Oqartussat Kommunimut suliassanik tunniussinerata, Kommunip
aningaasartuuteqarnerulernissaa, 2017-mut aningaasanut inatsimmi kommunip
suliaqarnerulernissaanut aningaasaliissutinit matussuserneqassasoq nalilerneqarpoq.
Inatsisitigut tunngavissaq allakkallu tunngaviusumik uppernarsaatitallit
 Piniarneq aallaaniarnerlu pillugit Inatsisartut inatsisaat nr. 12, 29. oktober 1999-imeersoq
 Aalisarneq pillugu inatsisartut inatsisaat nr. 18, 31. oktober 1996-imeersoq
Ingerlariaqqinnissaq
Nittartakkap nutaap misilittagaqarfiginera pillugu, tamatumalu suliaqarfinni allani
atorneqarnissaanik taakkunannga aallaaveqarneq pillugu ataatsimiititaq ilisimatinneqarumaarpoq.
Aningaasaqarnermut Allatseqarfimmit oqaaseqaatit
Suliami matumani Aningaasaqarnermut Allatseqarfimmut oqaaseqaatinik pissarsiniarnissaq
pisariaqanngitsoq Ingerlatsivimmit nalilerneqarpoq.
Innuttaasunik peqataatitsineq/attaveqaqatigiinneq
Namminersorlutik Oqartussat nittartakkakkut atueriaaseq nutaaq piniartunut/aalisartunut
innuttaasunullu sunngiffimmi piniarnermut allagartanut tunngatillugu atugassiaq pillugu
paasititsiniaasussanik aallartitsisimavoq .
Ingerlatsivinnit allanit oqaaseqaatit
Tamanut kiffartuussivik ima oqaaseqaatissaqarpoq. Systemip nammineq ingerlasunngorneratigut
annertunerusumik paasisaqarsinnaalerneq pillugu suliaqarneq ajunngitsutut isigiaarput, tamanna
innuttaasut qinnuteqaatiminnut sukkanerusumik akissutisisalernissaannik kinguneqassammat
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
Ulloq: 24. jan. 2017
Qup. | 7
(immikkulli qinnuteqaateqartarneq pinnagu, taanna pappiaqqatigut qinnuteqarluni
ingerlanneqaannartartussaammat). Aammattaaq nuannaarutigaarput nammineerluni
suliaqarsinnaalernikkut, innuttaasut nammineerlutik uppernarsaatit aamma akiligassat
pappiaranngorsinnaalermatigit webbankikkullu akiliisinnaalerlutik (immikkulli qinnuteqaateqarnerit
pineqanngillat).
Ilanngussat
Soqanngilaq.
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
4. Aalajanngiiffigisassat
Soqanngilaq.
Ulloq: 24. jan. 2017
Qup. | 8
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
Ulloq: 24. jan. 2017
Qup. | 9
5. Suliassat Aningaasaqarnermut ataatsimiititami aamma
Kommunalbestyrelsimi aalajangiiffigisassat
05A Utoqqaat pillugit immikkoortumut pilersaarut - Immikkoortut
pingajuat (atuutilersitsineq)
Aalajangiiffigisassaq
J.nr. 40.01.01
Isumaginninnermut, Suliffeqarnermut Inuussutissarsiutinullu Ingerlatsivik – pisortaq Grethe H.
Nielsen / GRNI
Suliassamik eqikkaaneq
Ingerlatsinertalimmik, aaqqissuussinertalimmik neqeroorutitalimmillu aamma ukiuni tulliuttuni 25-ni
utoqqaat amerliartornerannut naleqqussakkamik siunissamut qulakkeerinnittumik
attanneqarsinnaasumillu utoqqaat pillugit immikkoortumik pilersitsinissaq siunertarineqarpoq.
Utoqqaat pillugit immikkoortumut pilersaarutip immikkoortuata siulliani aappaanilu, utoqqarnut
suliassaqarfiup ersarissarnera tunngavigalugu inerisagassatut suliniutissanik
pilersitsiortortoqarpoq. Immikkoortut siulliit marluk tunngavigalugit immikkoortut pingajuat
maannakkut suliarineqarpoq, immikkoortullu pingajuata inaarnerani inerisagassatut suliniutit
atulersinneqarnissaannut pilersaarusiortoqarpoq. Atulersitsinissamut pilersaarut pineqartoq,
politikkikkut akuersissutigisassanngorlugu nassiunneqarpoq.
Inassuteqaat
Isumaginninnermut, Suliffeqarnermut Inuussutissarsiornermullu Ingerlatsiviup Isumaginninnermut,
Suliffeqarnermut Inuussutissarsiornermullu Ataatsimiititamut inassuteqaatigaa:
- Utoqqaat pillugit immikkoortumut pilersaarutip immikkoortuata pingajua Ataatsimiititamit
akuersissutigineqassasoq
- Suliaq Aningaasaqarnermut Ataatsimiititamut Kommunalbestyrelsimullu ilisimatitsissutitut
ingerlateqqinneqassasoq
Suliassamik saqqummiussineq
Utoqqaat pillugit immikkoortumut pilersaarutip suliarineqarnera immikkoortunut pingasunut avillugu
suliarineqarpoq:
Immikkoortoq 1: Erseqqissaaneq
Immikkoortoq 2: Ineriartortitsineq
Immikkoortoq 3: Atuutilersitsnissamik qulakkeerinninneq
Utoqqarnut immikkoortumut pilersaarutip immikkoortua siulleq 2015-imi marsip qaammataani
politikkikkut akuersissutigineqarpoq, taannalu utoqqarnut suliassaqarfiup erseqqissarnerata
pitsaassusaatigut annertussusaatigullu inerneqarpoq. Utoqqarnut suliassaqarfiup qanoq
maannakkorpiaq inneranik erseqqissaanermi siunertarineqarpoq, ineriartortitsinissamillu
tunngaviliilluni.
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
Ulloq: 24. jan. 2017
Qup. | 10
Taamaattumik utoqqaat pillugit immikkoortumut pilersaarutip immikkoortua siulleq sullinneqartut,
inoqarfiit ineriartorneri, sullissinerit, neqeroorutit, aaqqissuussaanerit kiisalu sullissinermi
pitsaassuseq annertussuserlu, allaffissorneq paaqqinninnerlu allattorsimaffimmiitillugit
suliarineqarpoq. Suliniutissaqarfiit pingaarnersiukkat tunngavigalugit ersarissaaneq
suliarineqarpoq, utoqqarnullu suliassaqarfimmi unammilligassat paasineqarlutik.
Immikkoortup aappaa 2015-imi aggustip qaammataani suliaralugu aallartinneqarpoq, ilaatigut
annertuumik innuttaasunik peqataatitsisoqarluni, 2016-imilu aggustip qaammataani politikkikkut
akuersissutigineqarluni. Immikkoortup aappaata suliarineqarnerani siunissami inerisagassatut
suliniutit nassuiaatinik suliaqarnermik inerneqarpoq nassuiaasiorneqarnerinilu inerisagassatut
suliniutit piviusunngortinneqarnissaannik tunngaveqarlutik.
Immikkoortoq siulleq aappaalu tunngavigalugit, immikkoortumut pilersaarutip immikkoortuata
pingajua maanna suliaralugu naammassineqarpoq. Immikkoortuni marlunni inerisagassatut
suliniutit nassuiaatigineqartut atulersinneqarnissaannut pilersaarutip sukumiisup, immikkoortup
pingajuani saqqummiunneqarnissaa siunertaavoq. Immikkoortup aappaani inerisaanissamut
suliniutit tunngavigalugit, inoqarfiit ungasissusaat kulturikkullu assigiinngissutsit pingaartillugit,
atulersitsinissamut periusissat pisariaqartut suliarineqarput.
Atulersitsinissamut immikkoortumi suliniutit assigiinngitsut akornanni ataqatigiisitsisoqarnissaa
pingaaruteqarsimavoq, aammalu maannakkut suliniutit suut aallartissimanersut,
kinguartissimanersut imaluunniit allatigut atulersinneqarsimanersut ersarissarneqassasut
pingaaruteqarluni.
Aningaasaqarnikkut sulisoqarnikkullu naliliinerit
Missingersuusiornissamut allanngortiterinissamullu aggersunut atatillugu, aningaasaqarnikkut
sulisoqarnikkullu naliliinerit sukumiisumik saqqummiunneqarumaarput.
Inatsisitigut tunngavissaq allakkallu tunngaviusumik uppernarsaatitallit
Utoqqaat pillugit immikkoortumut pilersaarut.
Ingerlariaqqinnissaq
Missingersuusiornermut allanngortiterinernullu atatillugu aningaasaqarnikkut aqqutissiuilluni
atulersitsineq pissaaq.
Aningaasaqarnermut Allatseqarfimmit oqaaseqaatit
Suliami matumani Aningaasaqarnermut Allatseqarfimmut oqaaseqaatinik pissarsiniarnissaq
pisariaqanngitsoq Ingerlatsivimmit nalilerneqarpoq.
Ilanngussat
1. Utoqqaat pillugit immikkoortumut pilersaarutip immikkoortua 3
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
Ulloq: 24. jan. 2017
Qup. | 11
05B Nunaqarfinnut immikkoortumut pilersaarut
Aalajangiiffigisassaq
J.nr: 16.03.02
Sanarfinermut Avatangiisinullu Ingerlatsivik – pisortaq Mike J. Kristiansen / MJKR
Suliassamik eqikkaaneq
Nunaqarfinnut immikkoortumut pilersaarut Kommuneqarfik Sermersuumi nunaqarfinnik
immikkuualuttunik allaaserinniffiuvoq, nunaqarfiillu assigiinngitsut qanoq ingerlanerinik
periarfissaannillu misissueqqissaarinermik imaqarluni. Nunaqarfinnut immikkoortumut pilersaarut
nunaqarfinni aqutsisut Tasiilami isumasioqatigiissinneqarneranni suliarineqarpoq, kingornatigullu
isumasioqatigiinnermit tunniussuunneqartunik naleqqussarneqarluni. Nunaqarfinnut
immikkoortumut pilersaarut pingaarnertut immikkoortunut pingasunut agguagaavoq, immikkoortumi
siullermi nunaqarfiit ataasiakkaat allaaserineqarlutik, aappaanni nunaqarfiit
ineriartortinneqarnissannut siunnersuutit arlaqartut pingaarnertut misissueqqissaarfigineqarlutik.
Immikkoortumi kingullermiipput misissueqqissaarinermi tunngaviusumik paasissutissat.
Nunaqarfinnut immikkoortumut pilersaarummut tapiliullugu allaffeqarfik suliap
ingerlanneqarnissaanut missingiusiorpoq, tassuuna Nuummi allaffeqarfik, nunaqarfinni illoqarfinnilu
allaffiit, nunaqarfinnilu peqatigiiffiit peqatigalugit inaarutaasumik pilersaarutip
uummarissarneqarnissaa naammassineqarnissaalu qulakkeerniarlugu. Suliap
ingerlanneqarnissaanut iluatsitsilluarnissamut pisariaqartinneqartut marluupput. 1 Nunaqarfinnut
immikkoortumut pilersaarut assigiinngitsunit sulinermi sakkussatut aammalu 2 nunaqarfinni
suliniutit aallartinneqartut "naqqaniit qummut" suliniutitut atorneqarsinnaassasut. Imaappoq,
nunaqarfinni innuttaasut namminneq peqataanissaat ingerlatsisuunissaallu siuariartornissamut
ineriartornissamullu qulakkeerinnittuussaaq.
Suliap ingerlannissaanut allaffeqarfik aallarnisaataasumik alloriarnissanik sisamanik
siunnersuuteqarpoq:
 Allaffeqarfimmi nunaqarfinnut tunngasunik assigiinngitsunik sulialinnit
peqataaffigineqartumik suleqatigiissitaliorneq, nunaqarfinnut ataqatigiissaarisumit
isumagineqartumik
 Ataasiinnarmik isaaffissalerlugu (One door policy)
 Najukkani ataqatigiissaarisulerlugu
 Nunaqarfiit attaveqaqatigiiffissaannik pilersitsineq
Kisianni alloriarnissanut sisamanut taakkununnga suliniutissanullu allanut ataatsimut tunngatillugu
imaappoq, tamakkua aallartinneqannginneranni nunaqarfinni innuttaasunut naleqalersitsinersut
misissorneqassapput.
Inassuteqaat
Sanarfinermut Avatangiisinullu Ingerlatsiviup ataatsimiititanut ataavartunut inassuteqaataa:
Suliaq inaarutaasumik akuerisassanngorlugu Aningaasaqarnermut Ataatsimiititamut aamma
Kommunalbestyrelsimut ingerlateqqinneqassasoq
- Nunaqarfinnut immikkoortumut pilersaarut akuersissutigineqassasoq
- Suliap ingerlannissaanut alloriarnerit sisamat siulliit suliarineqassasut ataasiakkaarlutillu
akuersissutigineqassasut. Tassaasut:
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
-
Ulloq: 24. jan. 2017
Qup. | 12
o Allaffeqarfimmi nunaqarfinnut tunngasunik sulialinnik suleqatigiissitaliornissaq
o Ataasiinnarmik isaaffissalerlugu (One door policy)
o Najukkani ataqatigiissaarisulerlugu
o Nunaqarfiit attaveqaqatigiiffissaannik pilersitsineq
Nunaqarfinnut tunngasunik suliallit assigiinngitsut suliassanik nunaqarfinnut
immikkoortumut pilersaarummiittunik suliniutissanik amerlanerusunik ingerlatitseqqinnissaat
Suliaq Aningaasaqarnermut Ataatsimiititamut Kommunalbestyrelsimullu
suliareqqinneqartussatut ingerlateqqinneqassasoq
Aalajangiineq
Sanarfinermut Avatangiisinullu Ataatsimiititap aalajangernera marlunngorneq 10. januaari
2017imeersoq:
Sanarfinermut Avatangiisinullu Ataatsimiititap inassuteqaat akueraa.
Suliassamik saqqummiussineq
Septembari 2016imi Tasiilami nunaqarfiit isumasioqatigiissinneqarput, nunaqarfinnut aqutsisuni
ilaasortanit, Sanarfinermut Avatangiisinullu Ingerlatsivimmi aqutsisunit Borgmesterimiillu
peqataaffigineqartumik.
Pilersaarutit aallartisarneqarnissaat malitseqartinneqarnissaallu pillugit nalornisoqarsimavoq,
tamakkulu Tasiilami puullaaqissutigineqalersimallutik. Taamaattumik suliassaqarfimmi suliassat
pillugit siunissami ingerlatsiviup illuatungeriit akornanni aalajangersimasumik
ataatsimiititsisarnissat ataqatigiissaarinerit malinnaanerillu aallartinniarpai. Nunaqarfiit
isumasioqatigiissinnerisa kingornagut Sanarfinermut Avatangiisinullu Ingerlatsivimmi pisortaq
nunaqarfinni aqutsisut siulittaasuinik ataasiakkaanik ataatsimeeqateqarpoq, paasiniarluagassat
malinnaatitsissutiginiarlugit. Ataatsimiinnernit taakkunannga imaqarniliaq Sanarfinermut
Avatangiisinullu Ataatsimiititap oktobarip sisamaanni 2016 ataatsimiinnerani agguaanneqarpoq
Nunaqarfinni aqutsisut isumasioqatigiissinneranni nunaqarfinnut immikkoortumut pilersaarutitut
missingiut siulleq eqqartorneqarpoq, kingornagullu isumasioqatigiinnermit saqqummiussorneqartut
allaffeqarfiup suliarai, nunaqarfinnullu immikkoortumut pilersaarummut missingiutip aappaa
maanna politikkikkut suliarineqartussanngorlugu saqqummiunneqarpoq (Ilanngussaq takuuk
Nunaqarfinnut immikkoortumut pilersaarut).
Nunaqarfinnut immikkoortumut pilersaarut ima suliarineqarpoq quppernerni 6imiit - 61imut
Kommuneqarfik Sermersuumi nunaqarfinni ataasiakkaani pingaarnertut taasariaqartut
aallaavigalugit allaaserineri:
1. Sulisoqarfinnut tunngasut
2. Inuttut nukissat
3. Nunaqarfiit ataannarnissaminnut toqqammavissaat
Quppernerni 62imiit- 64imut pingaarnertut misissueqqissaarinernut tunngasuupput, quppernernilu
65imiit - 68imut nunaqarfiit ineriartortinneqarnissaannut tunngasunik arlalinnik
siunnersuuteqartoqarpoq. Quppernerni 69imiit – 132imut misissueqqissaarinermut tunngasunik
paasissutissanut toqqammaviit pineqarput.
Aaqqiissutissatut siunnersuut – suliatigut naliliineq
Allaffeqarfimmit suliatigut nalilerneqarpoq, sulinissamut ataatsimoorussamik ataqatigiissaarinissap
anguneqarnissaanut ingerlatsiviit tamaasa peqataatinnerisigut aaqqiissuteqaraanni
pitsaanerussasoq, taamaasilluni suliassat assigiinngitsut ataqatigiissinneqarnissaat
qulakkeerneqassammata.
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
Ulloq: 24. jan. 2017
Qup. | 13
Taamaattumik saqqummiussap matuma nunaqarfinnut ataasiakkaanut ataatsimoortinnissaa,
aammalu illoqarfinni nunaqarfinnilu atornerluineq pillugu Kommunalbestyrelsip aggustip 29ianni
2016 isumasioqatigiinnerannit suliniutissanut immikkoortunut pilersaarutit sinnerinut
ataqatigiissinnissaa pingaaruteqarpoq.
Nunaqarfinnut immikkoortumut pilersaarummut tapiliullugu allaffeqarfik suliap
ingerlanneqarnissaanut missingiusiorpoq, tassuuna Nuummi allaffeqarfik, nunaqarfinni illoqarfinnilu
allaffiit, nunaqarfinnilu peqatigiiffiit peqatigalugit inaarutaasumik pilersaarutip
uummarissarneqarnissaa naammassineqarnissaalu qulakkeerniarlugu. Suliap
ingerlanneqarnissaanut iluatsitsilluarnissamut pisariaqartinneqartut marluupput. Siullertut
suliassaavoq nunaqarfinnut immikkoortumut pilersaarutip assigiinngitsunik suliarineqarnissaa tamanna Borgmesterip Allatseqarfiani nunaqarfinnut ataqatigiissaarisumik atorfinitsitsinikkut
aallartilluareerpoq.
Pisariaqartinneqartut aapparivaat, suliassat suliniutissallu ataatsimoorussineq (community building
teori) tunngavigalugu aallartitinnissaat. Community building isumaqarpoq, najukkami innuttaasut
inerisarneqarnissaat aammalu ataatsimoorussinissamik inerisaaneq. Eqqarsartaatsimi tassani
najukkami innuttaasut nukittuut, nukittuumik ataatsimoorussinermik pisariaqartitsisut
illuatungaanullu, aallaavigalugit eqqarsarluni sulineq pineqarpoq. Taamaattumik najukkami
innuttaasut inerisarneqarneri, ataatsimoorussinermik nukittorsaaqataasussanik suliaqarnikkut
ingerlanneqassaaq. Community building teori najoqqutaralugu sulinermi pingaaruteqartut ilagaat
”naqqaniit qummut” periuseqarluni sulinerit. Suliassat aallartinneqartussat najukkami innuttaasunit
ingerlanneqassapput - taamaasillutik inuit suliamik iluaquteqartussat tassaassammata inuit
namminneq suleqataasut. Suliaq iluatsilluarpat piginnittuunermik misigisimaneq
annertunerulissaaq, aammalu anguniakkanut sanilliullugu suliap toraarsinissaanut periarfissaq
annertunerulissalluni, pilersaarusiornerit aalajangiinerillu najukkami innuttaasunit aallaaveqarneri
pissutigalugit.
Suliap ingerlanneqarnissaanut alloriarfissatut siullertut makkua suliarineqarnissaat allaffeqarfimmit
siunnersuutigineqarput:
 Allaffeqarfimmi nunaqarfinnut tunngasunik sulialinnik suleqatigiissitaliornissaq
 Ataasiinnarmik isaaffissalerlugu (One door policy)
 Najukkani ataqatigiissaarisulerlugu
 Nunaqarfiit attaveqaqatigiiffissaannik pilersitsineq
Nunaqarfiit pillugit suleqatigiissitaq assigiinngitsuneersunik peqataaffigineqartoq
Nunaqarfinnut immikkoortumut pilersaarutip aalajaatsumik piviusunngornissaa aammalu
ataqatigiissaarisoqarnissaa suleqatigiissutigineqarnissaalu qulakkeerniarlugit
siunnersuutigineqarpoq, ingerlatsivinnit assigiinngitsunit peqataaffigineqartumik
suleqatigiissitaliortoqassasoq, ingerlatsivinni/immikkoortuni ataasiakkaani "nunaqarfinnut
tunngasunik suliallit akisussaasut"nik suleqataaffigineqartumik, nunaqarfinnut ataqatigiissaarisoq
ataqatigiisaarisoralugu.
Suleqatigiissitami qulakkeerneqassaaq, suliassat ingerlatsivinni ataasiakkaani suliarineqartut,
ataqatigiissaarnissaat, aammalu assersuutigalugu immikkoortunut pilersaarutinut tunngatillugu
assigiinngitsut suleqatigiissutigineqarnissaat. Taamaasilluni pitsaanerusumik
ataqatigiissitsisoqarsinnaavoq, nunaqarfinnilu ineriartortitsinissaq qitiutinneqassalluni.
Immikkoortunut pilersaarutinut assigiinngitsunut inaarutaasumik piffissamik pilersaarutit, sulisussat
atorluarnerpaajumallugit ataqatigiissarneqassapput, ass. qaqugu sanaartornermut tunngasunik
suliallit illoqarfimmiissanersut najoqqutaralugit.
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
Ulloq: 24. jan. 2017
Qup. | 14
Tamakku saniatigut suliassat aallartinneqartussat pitsaanerpaamik pissarsiaqarfiginissaat
naammagisimaarneqarnissaallu eqqarsaatigalugit, najukkami innuttaasut peqataatinnissaasa
qulakkeerneqarnissaat suleqatigiissitat suliassaraat.
Nunaqarfinnut tunngasunik suliallit suliassaat ingerlateqqitassat tassaapput:
 Najukkani kajumissutsiminnik suleqataasussat siunnersuisoqatigiivinik pilersitsineq
 Peqatigiiffinnik ikorfartuineq
 Immikkoortunut pilersaarutinik ataqatigiissaarineq
 Suliniuteqarfissanik suliassanillu ataqatigiissaarineq, tamakkununnga ilanngullugit
"illoqarfinni nunaqarfinnilu atornerluineq"
 Siunersioqatigiittartunik inerisaaneq
 Inunnik nukissalinnik toqaanerit
 Suliniutit kinguaariinnit assigiinngitsunit peqataaffigineqartut:
 Nunaqarfinnut immikkoortumut pilersaarummi suliniutissatut siunnersuutigineqartut
ingerlateqqinneqarnissaat iliuusissatullu pilersaarusiornissaq
Ataasiinnarmik isaaffissalerlugu (One door policy)
Sulisunut ulluinnarni kommunimi sulisuunngitsunut tunngatillugu, suleqammik eqqortumik,
apeqqutinut akissuteqarsinnaasumik, nassaarniartarneq ajornakusoorsinnaasarpoq. Nunaqarfinni
suleqatinut, taamatullu nunaqarfinni innuttaasunut, pitsaanerpaamik sullissiniarnermi,
nunaqarfinnut tunngatillugu ”ataatsimut isaaffissaqarnissaq, One door policy” atorneqarnissaa
siunnersuutigineqarpoq. Imaappoq, nunaqarfinni allaffinni sulisut allaffeqarfimmi sulisumik inummik
ataatsimik saaffigisaqartassapput, sulisullu taassuma allaffeqarfimmi sulisumik
attaveqarfigisartagassaminik nassaarnissaa apeqqutaassaaq. Attaveqarfigisartagassaq
tassaasinnaavoq nunaqarfinnut ataqatigiissaarisoq, imaluunniit ingerlatsivinni tamani
akisussaasuusut. Taamaaliornikkut innuttaasunut nunaqarfinnilu sulisunut allaffeqarfimmut
attaveqarneq ajornannginnerulersinneqarsinnaavoq, suliassallu ingerlanneqarnissaat
eqaannerulersinneqarluni.
Tamannali aallartitsinnagu nunaqarfinni sulisunut naleqalersitsissanersoq misissorneqaqqaassaaq.
Najukkami ataqatigiissaarisut
Nunaqarfinnut immikkoortumut pilersaarummi siunnersuutigineqarpoq
 Najukkani ataqatigiissaarisussanik nassaarniartoqassasoq, taamaasillutik taakkua
iluaqutaasussamik isumassarsiorfigineqartarniassammata.
 Inunnik eqeersimaartunik suligasuartussanik pilersitsineq
 Nunaqarfinni teknikkikkut akisussaasunik toqqaaneq - namminersortut pisortallu
suliffeqarfiutaanni assigiinngitsunut tunngatillugu ataqatigiissaarisussamik
pingaarnersiuisussamillu.
Ataatsimoorussinissamik sulinissamik (community building) eqqarsaateqarneq malillugu inuit
taakkua kommunimit immersorneqassanngillat, imminerminiilli immersorneqassapput,
eqqaamiorisaminnit - imaappoq, innuttaasunit allanit immersorneqassapput. Taamaaliornikkut
"naqqaniit" pimoorussineq nukittorsarneqassaaq, nunaqarfiup ineriartortinneqarnissaanut
innuttaasut piginnittutut inissisimalernissaat anguniarlugu pissuseqalersitsinissaq anguniarlugu.
Tassa matumani pineqarpoq innuttaasut namminneerlutik aallartitsisinnaanerisa
nukittorsarneqarnissaa. Taamatut ikorfartuinermi aningaasaliissuteqarnissamik
malitseqartariaqanngilaq, allatulli ikorfartuiffigineqarsinnaalluni. Ataatsimoorussilluni suliaqarnermi
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
Ulloq: 24. jan. 2017
Qup. | 15
(Community building) misilittakkat takutippaat, suliat sivisunerusumik atasinnaasartut, najukkami
innuttaasunit tamakkiisumik suliarineqaraangata - aamma aningaasaqarneq eqqarsaatigalugu.
Siunnersuutip ingerlateqqinneqarnissaa toqqarneqarpat, illoqarfinni nunaqarfinnilu suliassamut
attuumassuteqartut peqatigalugit inuit nukissallit toqqarneqarnissaannut periusissaq
suliarineqassaaq ass (killilernaguli) Tasiilami Varna, Ittoqqortoormiini Charlotte Piké Paamiunilu
Kúnak Lorenzen. Aamma aqqusinniortut aqutsisui, atuarfinni aqutsisut assigisaalluunniit
toqqarneqarsinnaapput. Eqqarsaatersorluartoqarnissaa kaammattuutigineqarpoq, kikkullu
tamarmik qanoq atorluarneqarsinnaanersut misissorneqarluni, tassami kikkut tamarmik
inissaqartinneqarput, atorfissaqartinneqarput tunniussassaqarlutillu.
Attaveqaatit
Nunaqarfiit pillugit suliassaqarfik Nuummi ilinniartitserusuppoq. Tamanna misissorluartariaqarpoq,
immaqa nunaqarfinnut tunngatillugu imminnut avitseqatigiissinneqarpata
naleqqunnerussagunarmat, nunaqarfinniillu allanit misilittakkat ilinniutigalugit. Nunaqarfiit
akornanni misilittakkanik avitseqatigiittarfissamik pilersitsitsinissamut periarfissaq
ingerlateqqinneqassaaq. Avitseqatigiittarfissaq peqataasussat peqatigalugit suliarineqassaaq.
Avitseqatigiittartussat assersuutigalugu imigassamik atornerluisunut katsorsartinnissamut
isumassarsititsisinnaapput, nunaqqatissarsiorlutik nunaqqataasimasunillu uternissamut
pilerilersitsiniarlutik, meeqqanut inuusuttunullu suliassanik aallartitsisarlutik, timersorneq, inuttullu
ajornartorsiutinik qitiutitsineq, kinguaariit arlallit suleqatigiissillugit assigisaannilluunniit
ingerlataqartitsillutik.
Aningaasaqarnikkut sulisoqarnikkullu naliliinerit
Attuumassuteqanngilaq.
Inatsisitigut tunngavissaq allakkallu tunngaviusumik uppernarsaatitallit
Nunaqarfinnut immikkoortumut pilersaarut
Ingerlariaqqinnissaq
Siunnersuut ataatsimiititami akuersissutigineqassappat, Aningaasaqarnermut Ataatsimiititamut
Kommunalbestyrelsimullu akuersissutigisassanngorlugu ingerlateqqinneqassaaq. Politikkikkut
oqaluuserineqarnerata kingorna ingerlatsiviit akornanni, allaffeqarfiit nunaqarfinnilu aqutsisut
akornanni kiisalu allaffeqarfiit qitiusut illoqarfinni allaniittullu akornanni ataqatigiissaarinerup
akisussaaffigineqarnera nunaqarfinnik ataqatigiissaarisumut tunniunneqassaaq. Sanaartukkat
suliarineqarnerisa akisussaaffigineri ingerlatsivinnit eqqortunit isumagineqaannassapput.
Aningaasaqarnermut Allatseqarfimmit oqaaseqaatit
Aningaasaqarnermut Allatseqarfiup nunaqarfinnut immikkoortumut pilersaarutip akuerineqarnissaa
inassuteqaatigaa, politikkikkut allaffissornikkullu aalajangiinissamut pitsaasunik
toqqammiviliisussaammat.
Innuttaasunik peqataatitsineq/attaveqaqatigiinneq
Nunaqarfinnut immikkoortumut pilersaarummut allaqqitassiaq siulleq septembarimi 2016 Tasiilami
nunaqarfiit isumasioqatigiissinneqarmata eqqartorneqareerpoq. Ukioq 2017-imut ukiunullu
tulliuttunut nunaqarfinnut aningaasaliissutissat suliarineqarnerini nunaqarfinni aqutsisut
akuutinneqarput, tamatumalu saniatigut politikkikkut oqaluuserineqarnerinut atatillugu
tusaaneqarlutik. Tamatuma saniatigut nunaqarfinnut immikkoortumut pilersaarummi suliallu
ingerlanneqarnissaani innuttaasut peqataatilluarneqarnissaat siunniunneqarpoq.
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
Ulloq: 24. jan. 2017
Qup. | 16
Ingerlatsivimmit oqaaseqaatit
Tamanut Kiffartuussivik, Susassaqartitsivik peqatigiiffilerinermut tunngasunut siunnersuutinut
tunngatillugu peqataatinneqarpoq.
Ilanngussat
1. Nunaqarfinnut immikkoortumut pilersaarut
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
6. Immikkoortut matoqqasut
Soqanngilaq.
Ulloq: 24. jan. 2017
Qup. | 17
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
7. Taasariaqartut allat
Ulloq: 24. jan. 2017
Qup. | 18
Kommuneqarfik Sermersooq
Isumaginninnermut, Suliffeqarnermut
Inuussutissarsiornermullu Ataatsimiititaq
8. Imaqarniliap akuerineqarnera
Ulloq: 24. jan. 2017
Qup. | 19